Tjetër protestë paralajmërohet nesër në vend. Biznesi i vogël do të ulë qepenat dhe do të dalë në protestë me katër arsye , sipas Shoqatës së Biznesit të Vogël, prej orës 08:00 deri në orën 16:00.

Sipas biznesit të vogël 4 janë arsyet e protestës:

1-Rritja e pragut të TVSH-së për Biznesin e Vogël dhe të Mesëm nga 2 mln lekë që është sot, në minimalisht 12 mln lekë.
2-Ulja e çmimit të energjisë elektrike të vlerës aktuale që është sot.
3-Ulja e çmimit të karburantit me 40 lekë për litër
4-Ndalja e projektit korruptiv i zëvendësimit të kasave fiskale.

Biznesi i bën thirrje të gjithë familjeve të dalin në protestë, ndërsa thonë se mbështetin kauzën e drejtë dhe legjitime të sudentëve.