Nga nesër rikthehet të ftohtit dhe bora në Kosovë.

Sipas Prishtina Weather, gjatë ditëve në vazhdim moti do të vazhdojë të jetë i ftoftë, me vranësira dhe reshje bore.

Temperaturat maksimale do të sillen nga 1 deri në 2 gradë, ndërsa ato minimale priten të arrijnë deri në minus 7 gradë.

Lexoni të plotë njoftimin e Prishtina Weather:

27.11.2018 – Vorbulla ciklonike nga Atlantiku po kalon mbi rajonin tonë, ku po sjell kohëpaskohe reshje shiu. Ndërsa nga veriu masa të ftohta arktike po shtrihen mbi rajon, ku gjatë natës së sotme, me rënie të temperaturave, reshjet e shiut pritet të shndërrohen në reshjet të dobëta bore që do të vazhdojnë edhe orëve të para të mëngjesit.

 

Mirëpo reshjet e borës, nuk pritet të zgjasin, sepse me masa të ftohta ajrore, do të shtrihen edhe fusha anticiklonike, që ditën e premte do të favorizojnë edhe kthjellime.

Në dy ditët në vijim, pritet të kemi një mot më dinamik, që do të ndikojë në përmirësimin e cilësisë së ajrit, por me shtrirjen e fushave anticiklonike, nuk parashihet të kemi qarkullim të mjaftueshëm ajror, andaj nga dita e premte vlerat e indeksit të kualitetit të ajrit do të kalojnë edhe në të pashëndetshme.

28.11 – Mot më i ftohtë, kryesisht i vranët. Në mëngjes vende-vende me reshje të dobëta bore. Në mbrëmje vende-vende mundësi për reshje të dobëta bore.

29.11 – Mot i ftohtë, kryesisht me vransira, e gjatë ditës edhe me intervale me diell.

30.11 – Mot i ftohtë, në mëngjes me vransira, e gjatë ditës kryesisht me diell.
1.12-2.12 – Në fundjavë, mot i ftohtë, të shtunën në mëngjes kryesisht kthjellët, e gjatë ditës me vransira. Ditën e diel kryesisht kthjellët dhe me diell.

Temperaturat e ajrit, do të pësojnë rënie të ndjeshme, nën vlera mesatare. Minimalet do të zbresin nga 0C deri në -7C, ndërsa maksimalet do të luhaten nga +1C deri në +2C, e në fundjavë do të rriten deri në +5C.

Do të fryejë erë mesatarisht e fuqishme nga verilindja 5-11m/s.

Shtypja atmosferike, do të rritet mbi vlera normale.Image