Drejtuesi i emisionit “Të Paekspozuarit”, Ylli Rakipi, ka marrë mesazhe kërcënuese për jetën.

Këto kërcënime vijnë menjëherë pas publikimit të aferës korruptive, me tenderin e Unazës së Re dhe personave të cilët qëndrojnë pak kësaj afere.

Kërcënimet në drejtim të gazetarit, janë të formave të ndryshme. Ato janë bërë së pari në mënyrë indirekte, nëpërmjet postës elektronike dhe më pas edhe në mënyrë të drejtpërdrejtë.

Lidhur me këto kërcënime, gazetari u është drejtuar organeve kompetente.

Pavarësisht kërcënimeve dhe shantazheve, emisioni “Të Paekspozuarit”, do të vijojë të kryejë detyrën dhe misionin e vet në interes të publikut.

Vetëm një javë më parë Ylli Rakipi në emisionin e tij zbuloi skandalin e projektit të Unazës së Madhe, ku firma “DH Albania” kishte fituar tenderin me vlerë 18 milionë euro nëpërmjet paraqitjes së dokumentacioni të falsifikuar.