Kuvendi komunal i Mitrovicës ka miratuar propozimin për ndërtimin e shtatores të heroit Legjendar Adem Jashari në këtë qytet.

Njoftimin për këtë e ka bërë Komuna e Mitrovicës përmes një kumtese për media, ku tregohen edhe çështjet tjera të diskutuara në mbledhjen e 11-të.

Para se të votohej rendi i ditës, kryesuesi Jeton Ujkani propozoi një pikë të re e që ishte Propozim-vendimi për ndërrimin e destinimit të tokës bujqësore në tokë ndërtimore, ndërsa asamblisti i grupit parlamentar të PDK-së, Donjet Bislimi propozoi që në takim të diskutohet edhe për vendosjen e shtatores së komandantit Adem Jashari në Komunën e Mitrovicës. Të dyja propozimet u miratuan nga këshilltarët e KK.

Shtatorja e heroit Adem Jashari do të vendoset edhe në Mitrovicë

Në vazhdim këshilltarët e Kuvendit Komunal aprovuan me shumicë votash Propozim-vendimin për shpalljen e konkursit për ndarjen e bursave për studentë për vitin akademik 2018/2019; Propozim-vendimin për formimin e Komisionit për hartimin e Planit të punës të Kuvendit të Komunës për vitin 2019; Plani i caktimit të pikave të grumbullimit të mbeturinave; Propozim-vendimin për ndërrimin e destinimit të tokës bujqësore në tokë ndërtimore./KosovaPress/